Британската премиерка Лиз Трас на самитот на ОН ќе вети дека воената помош за Украина следната година ќе биде на нивото од претходните 2,3 милијарди фунти (околу 2,6 милијарди евра) или дури и ќе ја надмине таа сума, покажувајќи дека сака дополнително да ја зајакне нејзината поддршка за Киев по руската инвазија.
На Генералното собрание на ОН таа ќе ги повика лидерите да помогнат во намалувањето на рускиот енергетски притисок врз Европа.
„Велика Британија ќе продолжи да стои на страната на Украина“
Трас се упати кон Њујорк само неколку часа по погребот на кралицата Елизабета Втора. означувајќи брзо враќање во британската политика која беше во кратка пауза за периодот на жалост.
Трас ќе се сретне со американскиот претседател Џо Бајден во Њујорк во среда и ќе ја повтори својата поддршка за Украина.
„Ова е мојата порака до народот на Украина: Обединетото Кралство ќе продолжи да биде со вас. Вашата безбедност е нашата безбедност“, рече таа во изјавата пред говорот на самитот во четврток, додавајќи дека треба да се стави крај на зависноста од руските енергенси.
„Треба да работиме заедно и да ставиме крај на ова еднаш засекогаш“, рече Трус.
Велика Британија е вториот најголем донатор на воена помош за Украина.
Втората задача на новата британска премиерка е да ги преуреди т.н специјални односи со САД кои се на тест по Брегзит и одлуката на Лондон за еднострано менување на протоколот за Северна Ирска.
Но, како што рече, Трус не очекува на претстојната средба со Бајден да разговара за трговскиот договор со САД.
faktor.mk
