ОВР Кичево поднесе кривична пријава против З.К.(63) од Кичево, поради постоење основи на сомнение за сторено кривично дело „злоупотреба на службена положба и овластување“. Тој, на 29.04.2021 година, во својство на раководител на шумското стопанство „Лопушник“ од Кичево, незаконски склучил писмена спогодба со правно лице кое, без финансиски надомест требало да изврши отстранување на дрва од обележани траси кај месноста „Прострање Белица“. Од проверките извршени од Одделението за внатрешна ревизија на Јавното претпријатие „Национални шуми“, констатирано е дека, за склучената спогодба не било дадено овластување од Директорот на ЈП „Национални шуми“. Со тоа, пријавениот овозможил да биде посечено буково огревно дрво во вкупна маса од 332,5 метри кубни при што, причинета е материјална штета од 2.327.500 денари.
