Поради изразеното јужно и југозападно струење, но и поради јужниот и југозападниот ветер, ова попладне во Македонија имаме пролетни температури во делови од Македонија, кои достигнуваат и до 17 степени.
На картата можете да ги погледнете температурите измерени во овие рани попладневни часови. Инаку, пред нас е бурна ноќ, со засилен до силен ветер од југозападен и од западен правец (повремено и локално со брзина од над 80/90/ км/час, додека на планините и до околу 100 км/час). Сето ова ќе биде проследено и со обилни врнежи од дожд, кои полека на планините ќе преминуваат во врнежи од снег и тоа поради продорот на поладен воздух од север.
На планините до утре ќе има формирање на снежна покривка. Во текот на претстојната ноќ исто така ќе има услови и за локална појава на грмежи, особено во западните предели.
Утре, за разлика од денес, температурите ќе бидат пониски и ќе се искачуваат во интервалот од 4 до 12 степени. Во Скопје утре температурата ќе се искачи до околу 11 степени.
Што се однесува до температурите во текот на претстојната ноќ, тие ќе се искачуваат во интервалот од 3 до 14 степени, но до утре во утринските часови тие ќе бидат уште пониски и ќе се спуштаат во интервалот од 0 до 12 степени во најтоплите југоисточни предели од Македонија, најавува метеопрогнозерот Славчо Попоски.
meteoalarm.mk
