Холандскиот брод „Хелге“ потона во Северното Море, кај западна Данска, откако рано утринава се судри со друг брод.
Данската морнарица соопшти дека седум членови на екипажот на холандскиот брод, кои скокнале во морето, биле извлечени со помош на хеликоптер и дека нема извештаи за повредени.
Нема повеќе детали за судирот кој се случил на западниот брег на полуостровот Јитланд меѓу 89 метри долгиот брод „Хелге“ и поголемиот „Дивиот Космос“, кој пловел под бахамското знаме.
Данската морнарица соопшти дека испратила неколку бродови и два хеликоптери на местото на настанот, а членовите на екипажот биле пренесени во болница во Есбјерг, западна Данска, на медицински преглед.
Нема извештаи за поголема штета или жртви на бродот Wild Cosmos.
rts.rs
