Претседателот на Туркије Реџеп Таип Ердоган се обрати од Државниот информативен координативен центар во врска со земјотресите што ја потресоа Туркије. Според најновите информации, 3.549 лица загинаа, а најмалку 22.168 се повредени во земјотресите што вчера ги потресоа јужните делови на Туркије, известува Анадолу.
Претседателот на Туркије, Реџеп Таип Ердоган, потврди дека во регионите погодени од разорните земјотреси е прогласена тримесечна вонредна состојба.
„Имаме 3.549 загинати, 22.168 повредени. Наша најголема утеха е дека успеавме од урнатините да спасиме повеќе од 8.000 граѓани“, рече Ердоган за време на своето обраќање пред јавноста.
Тој соопшти и дека 10 области кои претрпеле најразорни последици од земјотресот се прогласени за подрачја на катастрофа која влијае на општиот живот.
„Во регионите погодени од земјотресот прогласена е тримесечна вонредна состојба. Врз основа на одлуката за тримесечна вонредна состојба бргу ќе ги завршиме процесите во Претседателството и Парламентот“, рече Ердоган.
Тој додаде дека продолжуваат акциите за пребарување и спасување на преживеаните.
„Повеќе од 53.000 спасувачи, медицински и друг персонал се активни на подрачјето погодено од земјотресите, а со помошта од странство, таа бројка континуирано расте“, рече Ердоган.
Текстот во целост на: Анадолу.
фото: Архива