Воен хеликоптер кружи во близина на кабина, која виси на само една сајла на височина од 300 метри и во која се заробени шест деца и двајца возрасни, во обид да ги спаси.
Инцидентот со кабината на жичарницата, како што соопшти полицијата во регионот Батаграм, се случил во планинскиот крај на провинцијата Кибер Пактунква, над длабока планинска клисура.
Според извештај на весникот „Доун“, рано утрото се скинала сајла на кабина на жичарницата,која е отворена од две страни, во момент кога со неа децата биле на пат кон училиште. Заробени на височина од 300 метри, патниците во кабината со часови чекаат на помош. „Секоја и најмала погрешна калкулација може да доведе до катастрофа“, изјави спасувачот Билал Фаизи за германската новинска агенција ДПА.
Pakistan Army Aviation helicopter and Special Service Group (SSG) personnel begin rescue operation at #Battagram chair lift incident site
video courtesy @MalikAliiRaza@OfficialDGISPR #PakistanArmy #ISPRpic.twitter.com/te52dwqxPh
— Pakistan Armed Forces News 🇵🇰 (@PakistanFauj) August 22, 2023
Дваесетгодишен човек кој се наоѓа во кабината на жичарницата за ТВ Гео сведочи за драматичните часови: „Немаме дури ни вода за пиење, ако знаете за Господ, ве молам помогнете“, вели тој. 16-годишен патник во кабината, кој имал срцеви проблеми, колабирал и со часови бил во несвест. Тој утрото бил на пат за во болница.
Пакистанскиот вршител на должноста премиер Анварул Хак Какар им дал инструкции на спасувачите да ги мобилизираат сите расположливи ресурси во спасувачката акција.
Во планинските региони на Пакистан жичарницата често е единствена можност за да се стигне до зафрлените села.
DW
