Најголемата руска приватна нафтена компанија Лукоил денеска ја објави оставката на својот извршен директор и член на Управниот одбор, Вагит Алекперов, пренесува Агенција Анадолија (АА).
„ПЈС Лукоил објавува дека претседателот на компанијата и член на Управниот одбор, Вагит Алекперов, ја информира компанијата за неговата одлука да поднесе оставка како член на Управниот одбор на ПЈС ЛУКОИЛ и предвремена оставка од функцијата претседател на ПЈС Лукоил“, се вели во соопштението.
Од 31 март, Алекперов поседува 3,12 отсто од акциите со право на глас во ПЈС Лукоил, а како корисник преку семејни или заеднички фондови, има 5,43 отсто акции без право на глас во ПЈС ЛУКОИЛ, што значи дека не е контролен акционер.
извор: Агенција Анадолија (АА).
