Во Собрание на Република Северна Македонија денеска се одржа комеморативна седница во пресрет на годишнината од трагедијата во Кочани, на која беше оддадена почит на жртвите и беше споделена тагата со нивните најблиски.
Во името на присутните и на македонските граѓани, претседателот на Собранието Африм Гаши изрази длабоко сочувство, емпатија и разбирање кон семејствата на настраданите, нагласувајќи дека институциите остануваат подготвени да дадат поддршка и помош.
На седницата беше истакнато дека правото, правдата, етиката и солидарноста се единствениот пат во соочувањето со одговорноста за трагедијата во која прерано згаснаа 63 животи.
Комеморативната седница беше одбележана со пораки за сеќавање на жртвите, но и со повик за заедничка одговорност и солидарност во општеството.
