Во спектакуларното големо финале на една од најпопуларните музички натпреварувања на Балканот – „Ѕвездите на Гранд“, титулата победник ја однесе талентираниот Никола Станишиќ. Со моќен вокал, харизма и емоционални настапи, Станишиќ успеа да ги освои и срцата на публиката и жирито.
Финалето се одржа во живо пред илјадници гледачи, а гласањето беше неизвесно до самиот крај. Никола доби најголем број гласови од публиката, со што ја обезбеди својата победа во оваа 18-та сезона на шоуто. Неговата интерпретација на балкански хитови, како и авторски композиции, добија исклучителни пофалби од жирито, особено од неговиот ментор.
„Ова е огромна чест за мене. Ви благодарам на сите што гласавте, што ми верувавте и што ми дадовте сила да бидам свој на оваа сцена. Оваа победа е наша“, изјави Станишиќ видно возбуден по прогласувањето.
Никола Станишиќ, кој доаѓа од Црна Гора, важеше за еден од фаворитите уште од почетокот на натпреварувањето. Со својот специфичен стил и емоционална изведба, тој покажа дека поседува сè што му е потребно на еден вистински ѕвезда.
Никола ја испеа и „Ако утре ме нема“ од ДНК, во сеќавање на жртвите од пожарот во Кочани.
Победата му носи и значаен договор со продуцентската куќа „Гранд продукција“, снимање на прв албум, како и настапи низ целиот регион. Публиката со нетрпение очекува што следно ќе понуди овој млад музички талент.
За победата тој доби автомобил, а од сопругата на Саша Поповиќ, Сузана Јовановиќ, доби специјално признание со името на починатиот прв човек на „Гранд“.
Сезоната 2025 на „Ѕвездите на Гранд“ ќе остане запаметена по големата конкуренција, врвните изведби и неверојатната енергија, а Никола Станишиќ сега и официјално го носи епитетот – новата музичка ѕвезда на Балканот.
