Донесена е одлука за поведување дисциплинска постапка против Вишиот јавен обвинител на Вишото јавно обвинителство Скопје и против еден јавен обвинител од истото обвинителство, поради тешки дисциплински повреди, вклучувајќи неправилности во заведувањето на предметите и нестручно работење во неколку случаи, соопштија од јавното обвинителство (ЈО).
„Во првиот случај, дисциплинската постапка е поведена против Вишиот јавен обвинител на Вишото јавно обвинителство Скопје поради констатирани неправилности во начинот на заведување на предметите во Вишото јавно обвинителство Скопје. Втората дисциплинска постапка е поведена против јавен обвинител од Вишото јавно обвинителство Скопје заради нестручно и несовесно работење во 4 предмети во кои се откажал од жалба или обвинение, како и против Вишиот јавен обвинител на Вишото јавно обвинителство Скопје пред кого била реферирана и со чија согласност била донесена одлука во три од наведените предмети“, велат од Обвинителството.
Вишиот јавен обвинител на Вишото јавно обвинителство Скопје е веќе оддалечен од функцијата поради кривична постапка која се води против него. Од функцијата ќе биде оддалечен и другиот јавен обвинител трае постапката против него.
slobodnaevropa.mk
