Најмалку три лица загинаа во тешките временски услови на југот на Франција, јавуваат француските медиуми. По силното невреме и обилните врнежи утринава, телата на две лица беа пронајдени во Лаванду, меѓу Тулон и Сент Тропе. Тело е пронајдено и во Видаубан, малку посевер.
Две лица се уште се водат како исчезнати. Поради невремето брзо беа поплавени улици низ општините. Стотици домаќинства немаат пристап до струја и вода. Затворени се и патиштата.
Според јавниот обвинител во Тулон, двете жртви во Лаванду биле изненадени од брзото надојдена вода. Станува збор за постар пар.
187 милиметри
Градоначалникот на Видаубан ја објави смртта на третата жртва. Автомобил со две лица излета на селски пат кој беше целосно потопен и заврши во каналот, напиша градоначалникот. Само еден од нив можеше да биде спасен навреме. Според Метео-Франс, во општината за краток временски период наврнале најмалку 187 милиметри дожд.
Општина Видаубан ги повика родителите засега да не ги земаат децата од училиште. Училиштето ќе обезбедува оброци.
Распоредени се повеќе од 300 пожарникари, јавуваат локалните власти.
извор:НОС Холандија
