Српскиот претседател Александар Вучиќ ги посети повредените во кочанскиот пожар кои се лекуваат во тамошниот Клинички центар.
На неговите официјани профили тој објави и фотографии од настраданите млади луѓе.
„За нас трагедијата во Кочани е како да била овде кај нас. Верувам дека ќе успееме да им помогнеме на овие луѓе кои дојдоа со ужасно тешки повреди. На располагање сме им на нашите македонски браќа и пријатели, а подготвени сме да примиме уште пациенти, бидејќи имаме врвно опремени болници.
На македонскиот народ не му е лесно, а ние ќе бидеме со нив, како што тие беа со нас“, напиша Вучиќ.
