Неговата внука Наоми Бајден (31) вчера се породи во Калифорнија.
„Добрата вест е што од денес, јас сум прадедо“, им рече 82-годишниот Бајден на собраните новинари откако имаше брифинг од официјалните претставници на Одделот за шумарство и заштита од пожари во Калифорнија за нивните напори за борба против шумските пожари што беснеат низ Лос Анџелес. Тој додаде дека неговата внука родила „девојче тешко 4,6 килограми“, но брзо се поправи и рече: „Тоа е момче“.
Неговата сопруга Џил Бајден на Инстаграм ја објави нивната прва заедничка фотографија со правнукот.
„Горди сме што ве запознаваме со нашиот правнук“, напиша 73-годишната Џил на Инстаграм.
Наоми е најстарата од петте внуци на Бајден. Синот на Џо, Хантер, исто така ги има ќерките Финеган и Мејси со неговата поранешна сопруга, а ја има и ќерката Нави од претходната врска со Лунден Робертс. Втората сопруга Мелиса Коен го роди својот син Бо, кого го крстија по братот на Хантер кој почина во 2015 година од рак на мозокот.
