На кралот Чарлс му е дијагностициран облик на рак, соопшти Бакингемската палата. Тоа не е рак на простата, туку беше откриен за време на неговиот неодамнешен третман за зголемена простата.
Видот на ракот не е откриен, но според соопштението на палатата, кралот почнал со „редовни третмани“ во понеделникот.
Бакингемската палата соопшти дека кралот „останува целосно позитивен во однос на неговиот третман и со нетрпение очекува да се врати на целосна јавна должност што е можно поскоро“.
Тој ќе ги одложи своите јавни ангажмани и се очекува другите членови на кралското семејство да му помогнат за време на неговото лекување. Не се споделени дополнителни детали за стадиумот на ракот. Иако ќе ги паузира јавните настани, кралот (75) ќе продолжи со својата уставна улога како шеф на државата.
Во неделата, тој беше виден на богослужба во Сандрингем.Пред повеќе од една недела имаше операција на простата во приватна болница во Лондон. Кралот одлучи да обелодени за својот здравствен проблем, со цел да охрабри повеќе мажи да направат прегледи на простата, соопшти палатата.
Се вели дека е воодушевен што ја подигнува свеста за ова прашање, при што веб-страницата на NHS известува за пораст на проблемите поврзани со состојбата на простатата.
извор (Kurir.rs/BBC/A.G.)
