Трите бели лавчиња, коишто му припаѓаат на редок и загрозен вид на овие животни, денеска го прославија својот прв роденден во скопската Зоолошка градина. Лавиците – Луна, Ана и Хана – за својот прв роденден и добија „торта“ со нивните ликови и со ликот на мама Бела.
-Луна, Ана и Хана си добија најубава торта од своите зоонегуватели, направена според нивната табличка за исхрана, а нашите гости уживаа во вкусната торта со ликовите на лавчињата и мама Бела. Да ни се живи и здрави уште многу години, соопшти денеска скопската Зоолошка градина.
Во иннформацијата е наведено дека имаше дружење со дечињата од градинката „Светот на Колорес”, а музички роденденот го збогатија детските евровизиски претставници Лара и Јован и гости од ДКЦ „Карпош“.
Малите лавици се родија лани на 7 март во Зоолошката градина по две децении, а нивните имиња беа избор на посетителите.
skopskoeho.mk
