Бројот на бездомници во САД годинава е зголемен за повеќе од 18 отсто во споредба со минатата година, објави американското Министерство за домување. Според Министерството, повеќе од 770.000 луѓе сега немаат покрив над главата.
Една од причините е зголемената цена на изнајмување на домовите, што ги направи недостапни за многу луѓе. Зголемувањето може да се објасни и со крајот на поддршката за корона што многу луѓе сè уште ја добија.
Сојузната држава Калифорнија има најголем број бездомници, а потоа следат Њујорк, Вашингтон, Флорида и Масачусетс. Бројот на бездомници е особено висок меѓу Афроамериканците.
Природни катастрофи
Бројот на семејства кои останале без покрив над главата лани се зголемил за речиси 40 отсто. Улога одиграа и природните катастрофи. На пример, голем шумски пожар на хавајскиот остров Мауи во летото 2023 година резултираше со повеќе од 5.200 луѓе кои ги загубија своите домови. Бројот на ветераните кои живеат на улица годинава е намален за 8 проценти на 32.882.
Пребројувањето беше во јануари, како и претходните години, и вклучуваше луѓе во засолништа, луѓе во привремени станови и луѓе на улица, соопшти Министерството за домување. Во 2020 година, во времето на корона, 550.000 Американци сè уште беа бездомници. Повеќе од 346 милиони луѓе живеат во САД.
