Државниот секретар на Ватикан, кардиналот Пјетро Паролин, по повод руската интервенција во Украина изјави дека се надева оти оние кои ја држат судбината на светот во свои раце ќе имаат „трунка совест“.
„За жал, трагичните сценарија од кои сите стравуваа стануваат реалност“, изјави кардиналот Паролин, кој е втор по папата Франциско во хиерархијата на Ватикан, пренесува Ројтерс.
Како што рече кардиналот Паролин, „има уште време за добра волја, има уште простор за преговори, сè уште има простор да се покаже мудрост што спречува да преовладуваат партиските интереси, што ги штити сечии легитимни аспирации и го спасува светот од глупоста и ужасите на војна“.
извор/фото: агенции
