Едно лице загина, а повеќемина се повредени кога непознато лице во Турција активирало експлозивна направа со далечински управувач додека минувал автобус со затворски чувари, пренесува АП. Како што прецизира агенцијата, во експлозијата се ранети четворица чувари од кои еден е со потешки повреди.
Нападот се случил во областа Османгази, во северозападната турска провинција Бурса, додека автобусот ги превезувал чуварите во затвор во регионот.
Bursa'da infaz koruma memurlarını taşıyan otobüse saldırıhttps://t.co/lBS4yW0svG pic.twitter.com/kgZd4P5gpq
— Tükenmez Haber (@tukenmezhaber) April 20, 2022
„Нашата проценка е дека рачно изработената бомба, која била оставена под столб за струја, била активирана со далечински управувач додека минувало затворското возило“, им рече на новинарите гувернерот на Бурса, Јакуп Канболат, по увидот на местото на настанот.
Канболат рече дека во автобусот имало околу 30 луѓе. Сите тие се превентивно пренесени во болници, рече тој.
Засега нема преземено одговорност за нападот.
фото: anews.com.tr
