ДВЕГОДИШНО момче е спасено од урнатините на урната станбена зграда во турскиот град Антакија речиси 80 часа по земјотресот што ја собори, јавува Sky News. Снимката од турската Фондација за хуманитарна помош (ИХХ) покажува како спасувачите гледаат во тесен отвор во урнатините на зграда во Антакија и извлекуваат момче кое плаче.
Работник од турската Агенција за управување со катастрофи и вонредни состојби (АФАД) го однел момчето и го предал на здравствените работници, додека случајните минувачи го снимале спасувањето на нивните телефони.
A two-year-old boy named Mert was rescued alive from the rubble after 79 hours of the earthquake.
📍 Hatay #earthquake pic.twitter.com/9VGs2mJyxC
— IHH Humanitarian Relief Foundation (@IHHen) February 9, 2023
Стотици илјади луѓе останаа без покрив над главата по силните земјотреси што во понеделникот ја погодија јужна Турција и делови од соседна Сирија. Потврдено е дека близу 20.000 луѓе загинале во катастрофата, а бројот веројатно ќе продолжи да расте. Илјадници се уште се водат како исчезнати.
Спасувачите успеаја да го извлечат тригодишниот Тарик Хајдар од урнатините околу 42 часа откако разорниот земјотрес го уништи неговиот семеен дом во сирискиот град Јандарис. Момчето итно било пренесено во болница каде лекарите биле принудени да му ја ампутираат левата нога. Во земјотресот што во понеделникот вечерта ги погоди Сирија и Турција, тригодишно момче остана без своите родители.
index.hr
