(Видео) Се судрија два трамваи во Стразбур: повредени најмалку 20 лица

Најмалку 20 лица се здобиле со повреди во судир на два трамваи во Стразбур, источна Франција, пренесуваат локалните медиуми.

Според досегашните информации, несреќата се случила поради непочитување на сигнализацијата од страна на возачот, кој влегол на погрешна пруга и се судрил со неподвижен трамвај.

Првичните извештаи укажуваат дека петмина од повредените се во сериозна состојба.

Од противпожарната и спасувачката служба на Bas-Rhin информираат дека на местото на несреќата се распоредени повеќе екипи за помош и спасување.