Во тунелот Малечник кај Марибор товарен камион налетал на цистерна која била во колона поради застој во сообраќајот, по што се запалиле неколку возила.
Видеото од несреќата е објавено на Твитер профилот на ДАРС, словенечката компанија одговорна за автопатиштата во земјата.
[NESREČA] Ob 6.56 je tovorno vozilo v pokritem vkopu Malečnik trčilo v kolono in se pri tem vnelo. Razvil se je požar, ki je zajel še dve tovorni vozili. Poškodovan je betonski obok, zgorela je razsvetljava in druga oprema. Po prvih ocenah pričakujemo, da bo sanacija obsežnejša. pic.twitter.com/aJwt6QGY35
— DARS (@DARS_SI) June 26, 2023
Констатирано е дека во судирот бил оштетен бетонскиот ѕид на тунелот, а во пожарот целосно изгорела светлосната сигнализација и другата опрема.
И покрај тежината на несреќата, нема загинати или тешко повредени.
Тунелот е тешко оштетен, таванот почнал да се урива, а се проценува дека извесно време нема да биде во функција. На терен имало дури 120 пожарникари.
