Под влијание на циклонска активност југозападно и јужно од нас, и за време на овој викенд во Македонија продолжуваат честите повремени врнежи од дожд (повремено пообилни). Локално пак ќе биде нестабилно, со пороен дожд, грмежи и засилен ветер.
Исто така, очекувам и поинтензивни Атмосферски процеси (во форма на невреме) проследено со обилен пороен дожд (над 20 литри на метар квадратен) силен ветер (околу 60/70 км/час) електрични празнења и со услови за појава на град. Во ваква ситуација апелирам на поголема внимателност, со што се можни и локални поројни поплавувања.
И во Скопскиот регион исто така овој викенд ќе има повремени врнеи од дожд, кои во делови од котлината ќе бидат поројни, проследени со грмежи и силен ветер (во вид на невреме).
Да напоменам само дека, на планините со надморска височина од над 1600/1700 метри повремено врнежите од дожд ќе преминуваат во снег.
Што се однесува до температурите, наутро тие ќе се спуштаат во интервалот од 2 до 8 степени, додека преку ден исто така ќе бидат пониски, и тие ќе се искачуваат во интервалот од 8 до 16 степени. Во Скопје температурата овој викенд ќе се искачува до околу 16 степени, најавува метеопрогнозерот Славчо Попоски.
