Бројот на загинати во хаосот во главниот кварт на јужнокорејската престолнина Сеул за време на прославата на Ноќта на вештерките се искачи на 146, соопштија пожарникарите. Јужнокорејските власти наведуваат дека околу 150 се повредени во турканиците, а Ројтерс додава дека некои се во критична состојба.
Повеќе од 800 работници за брза помош и полицајци од целата земја, вклучувајќи го целиот расположлив персонал во Сеул, се распоредени на улиците за да ги лекуваат повредените.
https://twitter.com/asianewsteam/status/1586396289758945280?ref_src=twsrc%5Etfw%7Ctwcamp%5Etweetembed%7Ctwterm%5E1586396289758945280%7Ctwgr%5E76a633333aadbaba74b6b12985901510c3d754d5%7Ctwcon%5Es1_&ref_url=https%3A%2F%2Fwww.mkd.mk%2Fsvet%2Fvesti%2F146-mrtvi-i-150-povredeni-vo-stampedo-vo-seul-voznemiruvachko-fotovideo
Според официјални лица, несреќата се случила кога луѓето биле смртно згмечени во голема толпа, која почнала да се турка во тесна уличка во областа Итаевон, пренесува АП.
Јужнокорејската новинска агенција Јонхап објави, цитирајќи ги противпожарните служби, дека кај повеќето луѓе е забележан срцев застој.
