49-годишен германски државјанин, Т.В.,вчера бил приведен на Граничниот премин Табановце при влез во Република Македонија. Полициските службеници извршиле редовна контрола на возилото „Опел” со германски регистарски таблички, кое го управувал осомничениот, при што откриле повеќе предмети за кои се основано сомнение дека се незаконски.
Меѓу предметите пронајдени во возилото биле бела прашкаста материја, дробилка, шише исполнето со течност, пет ножеви, метална палка, десет боци солзавец, електрошок, две радио врски и други предмети кои полицијата смета дека може да бидат поврзани со кривично дело.
„При контрола на возилото, откривме повеќе предмети кои се незаконски и за кои постои основано сомнение дека се користени за извршување на кривични дела. Лицето веднаш беше лишено од слобода и предадено на понатамошна постапка во СВР Куманово. По целосното документирање на случајот, ќе следи соодветна пријава“, информираа од МВР.
Т.В. ќе биде притворен за понатамошно испитување, а по целосното расчистување на случајот ќе бидат преземени соодветни правни мерки.
