Агенцијата за финансиски надзор го прифатија барањето на партијата Македонска алијанса за европска интеграција, МАЕИ, и од денеска осигурителната полиса „зелен картон“ чини само 50 евра годишно, наместо 400 евра, колку што се плаќаше претходно.
Ја изразуваме нашата благодарност до Агенцијата за финансиски надзор, која го зеде предвид барањето на нашата партија и одобри намалувањето на цената на осигурителната полиса „Зелен картон“ за патничките возила. Оваа одлука ќе донесе значителни финансиски олеснувања, особено за жителите на окрузите Корча и Пешкопеја, кои имаат тесни семејни, економски и културни врски со Македонија, изјави за МИА, партискиот лидер Васил Стерјовски.
Порача дека МАЕИ ќе продолжи да поддржува иницијативи што го подобруваат животот на граѓаните и го олеснуваат слободното движење.
Стерјовски, во име на партијата, на почетокот на минатиот месец ја поздрави одлуката на албанското биро за осигурување, која стапи во сила на први февруари и која им овозможуваше на албанските граѓани да патуваат во Црна Гора со осигурителната полиса „зелен картон“ со намален премиум.
При тоа побара од Владата и Одборот за финансиски надзор итно да започнат процес на консултации и координација со Албанското биро за осигурување, со цел истата мерка за намалување на премијата за „зелен картон“ на 50 евра годишно да се примени и за Македонија
vesnik-ilinden.mk
