Четири лица се уапсени во Шпанија, која што растури картел што бил под тригодишна истрага на Европол, соопшти денеска Европол.
Во текот на истрагата се уапсени вкупно 40 лица, запленети се 8 тони кокаин и 65,5 милиони евра.
Апсењата во Шпанија вчера уништија картел што шверцувал кокаин од Колумбија, Бразил и Еквадор во Европа, а меѓународната истрага вклучувала служби од Белгија, Бразил, Хрватска, Германија, Италија, Србија и Турција.
Водачите на картелот, со седиште во Турција и Дубаи, ја координирале пратката на кокаин од Јужна Америка, што минувала со брод преку логистичките центри во Западна Африка и Канарските Острови, до центрите за дистрибуција низ Европа, во Белгија, Хрватска, Германија, Италија и Шпанија.
Во март 2024 година, бразилските власти ја спроведоа последната фаза од истрагата за перење пари заработени од продажба на кокаин, а потоа беа откриени речиси 500 банкарски сметки преку кои во претходните години поминале 371 милион евра.
