Лидерите од 47 европски земји и организации се собраа на еднодневен самит во албанскиот главен град за да разговараат за безбедносните и одбранбените предизвици низ целиот континент, а главна тема на агендата е руската агресија во Украина.
Земјите од Западен Балкан се надеваат дека на Самитот на Европската политичка заедница ќе се разговара и за проширувањето на Европската унија.
На самитот, кој се одржува под мотото: „Нова Европа во новиот свет: Единство – Соработка – Заедничко дејствување“, ќе се разговара и за начините за подобрување на конкурентноста на Стариот континент и за справувањето со илегалната миграција.
Самитот, на кој присуствуваат и лидерите на Франција, Германија и Велика Британија, се одржува во време кога се очекува Украина и Русија да ги одржат првите мировни преговори од почетокот на конфликтот.
Други теми кои се очекува да бидат разговарани се безбедноста, демократијата и миграцијата.
