Аеродромот во Хамбург синоќа беше затворен откако вооружен маж влегол на негова територија и пукал во воздух, изјави портпаролот на федералната полиција, цитиран од ДПА.
Вооружениот напаѓач го возел своето возило низ капијата и испукал два истрели во воздух, изјави портпаролот Томас Херберт.
Претходно сопругата на мажот се јавила во полиција и пријавила можно киднапирање на дете. Во соопштението, полицијата соопшти дека главната верзија на заложничката криза е спорот за старателството над 4-годишното дете.
На местото на настанот има зголемено присуство на регионална и федерална полиција, рече Херберт.
