МОСКВА (АП/РТР) – Украинскиот претседател Володимир Зеленски го обвини словачкиот премиер Роберт Фицо дека отворил „втор енергетски фронт“ против Украина по наредба на Русија. Фицо се заканува дека ќе го прекине вонредното напојување на Украина во конфликтот за рускиот гас, додека таа струја е очајно потребна зимава поради штетата што Русија ја предизвика на украинското снабдување со електрична енергија.
И покрај војната, рускиот гас тече до централна Европа преку Украина. Договорот е до 31 декември. Зеленски е против продолжување, додека Словачка како еден од најголемите купувачи го сака тоа. Фицо го зголемува притисокот врз Украина да најде решение.
Фицо пред една недела го посети рускиот претседател Владимир Путин во Москва за да разговара, меѓу другото, и за испораката на руски гас за Словачка.
Зеленски на „Х“ наведува дека се чини дека Путин му наредил на Фицо „да го отвори овој фронт на сметка на интересите на словачкиот народ“. Тој, меѓу другото, посочува и на приходите што ќе ги пропушти словачката каса доколку земјата престане да извезува струја во Украина. Според Зеленски, заканата на Фицо може да се објасни само со руското влијание.
извор: НОС Холандија
