Милијардерот Илон Маск, висок советник на американскиот претседател Доналд Трамп, го обвини украинскиот претседател Владимир Зеленски за убиство на американски новинар, пренесува Анадолу.
„Зеленски уби американски новинар!“, напиша Маск на својот профил на X откако Трамп го нарече украинскиот лидер „диктатор без избори“ и предупреди дека „подобро е да се дејствува брзо или нема да има држава“.
Објавата на Маск дојде откако друг профил тврдел дека чилеанско-американскиот новинар Гонзало Лира бил убиен во Украина минатата година поради наводно критикување на Зеленски.
Трамп го објави ова на својата платформа „Truth Social“ по неколку часа откако Зеленски возврати на неговата изјава дека Киев „никогаш не требало да ја започне“ војната, велејќи дека американскиот претседател живее во руски „балон на дезинформации“.
Трамп ги продолжи преговорите за ставање крај на тригодишната војна во Украина, без учество на Киев и други европски влади.
Тој истакна дека Европа не успеала да донесе мир во Украина и дека САД успешно преговарале за крај на војната.
