Италијанската премиерка Џорџа Мелони, која годинава се приклучи на зголемениот број Италијанци кои летуваат во Албанија, ја плати сметката за своите сонародници кои побегнале од локалниот ресторан без да ја платат.
Кога се појавија вести дека некои Италијанци побегнале без да ја платат сметката во ресторан во Берат, Мелони се вклучи да помогне, изјави албанскиот премиер Еди Рама за La Stampa.
„Одете и платите ја сметката за овие идиоти, ве молам“, ја цитира Рама изјавата на Мелони на италијанскиот амбасадор во Албанија, според Ројтерс.
Франческо Лолобриџида, италијанскиот министер за земјоделство и зет на Мелони, беше на пат за Албанија и рече дека тоа е прашање на национална гордост.
„Таа се понуди да ја плати сметката. Амбасадорот се враќаше во Тирана и беше достапен да го стори тоа“, рече Лолобриџида, додавајќи дека неколку нечесни поединци не можат да ја посрамотат нацијата со пристојни луѓе.
Мелони и нејзиното семејство оваа недела поминаа неколку дена во Албанија како гости на премиерот Рама.
фото:
