Кинески истражувачки тим го разви најмалиот и најлесниот безжичен амфибиски робот во светот, способен да се трансформира во која било посакувана форма, објави денес „Глобал тајмс“, пренесува Анадолу.
Роботот, развиен од истражувачите од Универзитетот Цингхуа, е долг 9 сантиметри и тежи само 25 грама. На копно може да достигне брзина до 1,6 метри во секунда.
Тимот неодамна дизајнираше минијатурен активатор кој им овозможува на микророботите постојано да ја менуваат формата и да се „заклучуваат“ во специфични конфигурации, значително подобрувајќи ја нивната приспособливост во различни средини.
Користејќи го овој активатор во модуларен дизајн во стилот на блокови, истражувачите го создадоа амфибискиот робот, кој може да ја трансформира својата структура за да трча или лета, демонстрирајќи напредна агилност и маневрирање.
Роботот се состои од неколку компоненти, како ротор, мотор, контролер и напојување, сите напојувани од активатор, според Џанг Јихуи, професорот кој го предводеше истражувачкиот тим.
