Косовската полиција синоќа соопшти дека според првичните информации, експлозијата на шок бомба во северниот дел на Косовска Митровица била активирана од „организирани криминални структури“. Во соопштението оценуваат дека овој потег е продолжување на напорите за подигање на тензиите и дестабилизација на ситуацијата, со цел ширење на чувството на несигурност и страв. Косовската полиција соопшти дека вчера во северниот дел на Косовска Митровица, во близина на раскрсницата кај техничкото училиште, била пријавена експлозија на шок-бомба, при што биле скршени стакла и стакла на четири околни дуќани.
Радио Слободна Европа
