На олимпискиот, светски и европски шампион во уметничко лизгање, Роман Костомаров (45) му беа ампутирани двете раце откако пред неколку дена ги загуби нозете. Оваа вест ја објави Еуроспорт, повикувајќи се на руска Комсомолскаја Правда.
Еден од најпознатите руски скејтери на почетокот на годината беше примен на одделението за интензивна нега, каде што беше ставен на вентилатор поради тешка пневмонија по коронавирусот. Но, ситуацијата се искомплицирала, се појавила гангрена и на несреќниот Костомаров му биле ампутирани нозете.
„За жал, моравме да ги ампутираме двете нозе. Операцијата помина без проблеми. Генерално, телото се опоравува. Роман е свесен за се. Општата состојба се подобрува“, објави руската државна новинска агенција ТАСС минатата недела. За жал, тука не беше крајот на катастрофалните вести за несреќниот руски спортист.
„Ткивото во неговите стапала најпрво починало поради нарушувања на циркулацијата, а сега му се ампутирани двете раце, за да се спречи ширење на бактерии и смрт на други делови од телото“, пренесува Еуроспорт.
Костомаров, кој има 45 години, освои златен медал на Зимските олимписки игри 2006 година во Торино заедно со Татјана Навка. Заедно со неа двапати го освои Светското првенство и три пати Европското првенство. Покрај Татјана Навко, во пар настапи и со Ана Семеновиќ и Екатерина Давидова.
index.hr
