Од викендов доаѓаат ниски температури и чести врнежи

Почнувајќи од овој викенд, па во текот на следната седмица ќе имаме невообичаено студено време за месец септември, со температури типични за ноември месец, како и чести врнежи, а на високите планини (над 2000 м.н.в) ги очекуваме и првите снегулки за оваа сезона. Врнежите ќе започнат уште од петок во западните предели од државава, најавува метеопрогнозерот Славчо Попоски.