Американското министерство за правда откри неколку доверливи документи при претрес во куќата на американскиот претседател Џозеф Бајден во градот Вилмингтон, во државата Делавер, објави адвокатот на претседателот Боб Бауер.
Во петокот, претседателот Бајден дозволи пристап до неговиот дом со цел „да се пребараат сите простории во потрага по потенцијални досиеја и потенцијален доверлив материјал“, се вели во изјавата на адвокатот на Бајден.
Во претресот, кој траел повеќе од 12 часа, пронајдени се документи од мандатот на Бајден во американскиот Сенат, во кој членуваше 36 години, додека други документи се од периодот кога ја извршуваше функцијата потпретседател на САД, пишуваат медиумите.
Адвокатот изјави дека ниту Бајден ниту неговата сопруга не биле присутни за време на претресот.
fokus.mk
