Пентагон соопшти дека отворил нова веб-страница која обезбедува официјални декласифицирани информации за НЛО (неидентификувани летечки објекти), кои Владата ги нарекува неидентификувани невообичаени феномени (UAPs), јавува Анадолу.
За време на брифингот за новинарите, портпаролот Пат Рајдер изјави дека Министерството за одбрана ја претставува веб-страницата — www.aaro.mil, за да ѝ обезбеди на јавноста информации во врска со обидите за разбирање и решавање на неидентификуваните невообичаени феномени.
„Оваа веб-страница ќе обезбеди информации, видеа и фотографии, за решени случаи на неидентификувани аномални појави бидејќи тие се декласифицирани и одобрени за јавно објавување“, изјави Рајдер за новинарите.
„Останатата содржина на веб-страницата се состои од најнови известувања и дел за најчесто поставувани прашања, како и линкови до официјални извештаи, транскрипти, соопштенија за медиумите и други ресурси кои јавноста може да ги најде корисни“, додаде тој.
„Министерството за одбрана е посветено на транспарентноста кон американскиот народ за работата на Канцеларијата за решавање невообичаени појави (AARO)“, рече Рајдер.
„Веб-страницата ќе служи како систем за сите јавно достапни информации поврзани со ААРО и неидентификуваните невообичаени феномени, а ААРО редовно ќе ја ажурира веб-страницата со нејзините најнови активности и откритија откако ќе биде дозволено новите информации да бидат јавно објавени“, додаде тој.
Во јули, поранешниот разузнавач на Воздухопловните сили на САД, Дејвид Груш, рече дека американската Влада поседува информации за неидентификувани необични феномени, а минатата недела група пратеници побараа од разузнавачите да обезбедат информации во врска со наводните тајни програми за урнати НЛО-а и ангажирање во технолошки реверзибилен инженеринг.
извор:Анадолу.
фото:Анадолу.
