Во општините на северот на Косово и Метохија ноќта помина мирно, по последните одлуки на Приштина и напуштањето на сите косовски институции од страна на Србите, јави дописникот на РТС. Во северниот дел на Косовска Митровица денеска напладне ќе се одржи митинг кај Споменикот на принцот Лазар.
Претставниците на Србите од северот на Косово и Метохија, по средбата во Звечан, одлучија да ги напуштат сите политички институции – собранието и владата на Приштина, како и четири општини на северот на Косово и Метохија и правосудните органи, полицијата и администрацијата, поради последните потези на Приштина.
Група полицајци симболично ги соблекоа униформите. Премиерката Ана Брнабиќ рече дека Србите се вратени во ќош, а сакаат само спроведување на потпишаните договори. Вели дека ќе имаат поддршка од Владата на Србија.
Претседателот на Српската листа, Горан Ракиќ, посочи дека Србите ги напуштаат сите политички институции – собранието и владата на привремената управа во Приштина, како и четирите општини на северот на Република Косово и судството, властите, полицијата и администрацијата.
faktor.mk
