Градоначалниците на Преспа, Пустец, Девол и Ресен, односно четирите општини Македонија, Албанија и Грција, кои го делат Преспанскиот басен, во присуство на евроамбасадорот Михалис Рокас, денеска потпишаа меморандум за разбирање и соработка, што воедно е и првиот чекор кон создавање на Европската група за територијална соработка, јави дописничката на МИА од Атина.
Конкретната иницијатива ќе ја олесни и зајакне соработката на општините Преспа, Пустец, Девол и Ресен, со цел зачувување на животната средина и културното наследство, како и економски развој и благосостојба на жителите.
Церемонијата се одржа во Лемос, Грција, домаќин беше општина Преспа, а по потпишувањето следеше посета на локацијата каде што треба да се гради инфраструктурата за новиот граничен премин меѓу Грција и Македонија.
vesnik-ilinden.com
