Холивудскиот актер Вал Килмер почина на 65-годишна возраст. Килмер починал од пневмонија во Лос Анџелес, потврди за „Њујорк Тајмс“ неговата ќерка, актерката Мерцедес Килмер.
Килмер со години се бореше со ракот на грлото, кој му беше дијагностициран во 2015 година. Роден и израснат во долината Сан Фернандо, Килмер се прослави играјќи го Том „Ајсмен“ Казански во филмот „Топ Ган“ од 1986 година, заедно со Том Круз.
Беше во брак со британската актерка Џоан Вели од 1988 до 1996 година, а покрај ќерката го доби и синот Џек кој исто така актер.
За време на неговата кариера, тој соработуваше со големи режисери, играјќи различни ликови – од помошникот на Роберт де Ниро во филмот Heat од 1995 година, до криминалецот Сајмон Темплар во филмот „Светецот“ од 1997 година. Критичарите често го рангираа меѓу најталентираните американски актери, пренесува Танјуг.
фото: The New York Times
