Предложете имиња за трите женски лавчиња коишто се родија во Зоолошката градина Скопје, велат од зоолошката градина.
-По повеќе од 20 години, во март годинава во скопската Зоолошка градина се родија три лавчиња. Лавчињата одлично напредуваат под будното око на вработените во Зоолошката градина кои со професионалност и внимание се грижат мајката и малите да се безбедни и да ги имаат сите потребни услови.
Лавчињата ги примија сите вакцини, како превентивна мерка во ветеринарната заштита на здравјето на животните. А од денеска ќе бидат пуштени во надворешното живеалиште и посетителите за првпат ќе имаат можност да ги видат одблизу.
Посетителите на скопската Зоолошка градина од денеска ќе можат да даваат предлози за избор на имиња на трите женски лавчиња. Граѓаните предлозите ќе може да ги ставаат во пластичните кутии кои се поставени на влезот на Зоолошката градина. Предлози може да се напишат и на оваа објава, како и на објавата на Фејсбук страницата на Град Скопје.
Анкетата за именување на малите лавици ќе трае една недела, а во текот на следната недела одбраните имиња ќе бидат и јавно објавени.
Предлоците за имиња може да ги напишете во коментар на ФБ страната Зоолошка градина Скопје.
извор: Зоолошка градина Скопје
фото: Зоолошка градона Скопје
