Претпладнево е уапсен Ејуп Рустеми, поранешен директор на Јавното претпријатие „Државни патишта“, претпладнево, дознава Телма од извори од министерството за внатрешни работи (МВР).
Апсењето, според извори на Телма, е поврзано со тендерот за обезбедување на патарините. Покрај Рустеми, уапсени се и Ејуп Љатифи, заменик директор за оддржување на патишта, Дрилон Зибери, раководител на Одделение за наплата на патарини и контрола и Џемал Билбиловски, сопственик на агенцијата за обезбедување „2СС“.
Оваа недела се очекува приведување на најмалку 15 други лица. Станува збор за поранешни и сегашни службеници и раководители во повеќе институции како Јавното претпријатие „Државни патишта“, „Македонијапат“, Пазарна инспекција, како и во секторот рударство.
извор: Телма
