Долините во турска Кападокија, каде што процветаа цвеќињата, оваа пролет се покриени со бела снежна прекривка, јавува Анадолу.
Снежните врнежи уште од утринските часови ја зафатија Кападокија и нејзината околина, што секоја година е домаќин на милиони туристи кои доаѓаат да ги посетат самовилските оџаци и природните карпести формации.
Туристите оваа пролет се фотографираа во снежниот пејзаж и шетаа по долините прекриени со снег, каде што температурите повремено паѓаа под нулата.
Дел од цветовите беа закопани од наврнатиот снег.
Бразилскиот турист Пауло Аморим, кој е во посета на регионот, за АА изјави дека неочекуваните снежни врнежи за време на неговата посета на Кападокија биле изненадување за нив и додаде:
„Пејзажот што се појави со снегот е изненадувачки и убав за нас. Овде откривам прекрасна глетка“.
Адријана Фалкони рече дека сакала да се приклучи на прошетката со балон на топол воздух, но летот бил одложен поради временските услови, па затоа заминале на прошетка низ долината меѓу самовилските оџаци.
„Вчера излеговме на прошетка на дожд, а денес имаме снежен пејзаж. Според мене, ова место има совршена атмосфера“, изјави Фалкони.
