Околу десет лица се убиени во пукање во училиштето за возрасни во Оребро во централна Шведска, соопшти полицијата, додавајќи дека работи на нивно идентификување. Меѓу нив е и напаѓачот.
На прашањето на новинарите дали напаѓачот се самоубил, началникот на локалната полиција во Оребро рече дека нема информации за тоа.
Полицијата соопшти дека 35-годишниот напаѓач не ѝ е познат на полицијата и дека дејствувал сам, иако не е исклучено дека имал соучесници во нападот во овој град на 200 километри западно од Стокхолм.
Мотивот за овој страшен настан не е познат, тврди директорот на градската полиција Роберто Еид Форест, но се чини дека не станува збор за тероризам или за организиран криминал.
slobodnaevropa.mk
