Романскиот претседател Клаус Јоханис денес ја најави својата оставка по зголемениот притисок од популистичките опозициски групи, два месеца откако највисокиот суд ги поништи претседателските избори во земјата на Европската Унија, известува Анадолу.
„За да ја поштедам Романија од оваа криза, поднесувам оставка како претседател на Романија“, рече тој во емотивното обраќање денес, додавајќи дека ќе ја напушти функцијата на 12 февруари.
Јоханис (65) ја извршуваше претседателската функција од 2014 година и имаше максимум два петгодишни мандата. Но неговиот претседателски мандат беше продолжен во декември откако Уставниот суд ја откажа претседателската трка два дена пред вториот круг на 8 декември.
Ова се случи откако крајно десничарскиот популист Калин Георгеску неочекувано победи во првиот круг, по што се појавија обвинувања за руско мешање и изборни прекршувања.
