Бројот на загинати во американската сојузна држава Флорида од ураганот Милтон се искачи на десет, соопштија локалните власти. Ураганот ја напушти Флорида и сега ослабе до прва категорија.
Милтон не го предизвика катастрофалниот бран од кој се стравуваше, но имаше голема штета. Милиони луѓе се без струја и постои загриженост за поплави. Нивото на водата во реките може да продолжи да расте со денови.
Гувернерот на Флорида Де Сантис очекува да се зголеми бројот на загинати. Десетте лица кои загинаа беа жртви на торнада предизвикани од ураганот. Избројани се најмалку 27 торнада.
Покрената е спасувачка операција со амфибиски возила во поплавените подрачја во близина на градот Тампа. Тие презедоа акција, меѓу другото, за спасување на луѓе од хотел во кој се засолниле постарите лица. Приземјето на многу згради е поплавено.
Гувернерот нагласи дека за среќа најлошото сценарио не се оствари. Во последните денови имаше предупредувања за еден од најсилните урагани во последните сто години. Тампа не беше директно погодена, ураганот падна на копно повеќе од 100 километри јужно од големиот крајбрежен град.
извор:НОС – Холандија
