Тошковски: Срамота е Македонија да ги зароби граѓаните, а притоа во Германија, Швајцарија, Албанија, Косово и така натаму слободно да се движат со патни исправи со старото име

Redakcija

Очигледно е дека МВР презема максимум во рамките на можностите и би сакал да го повторам решението на маките на граѓаните, 61 пратеник да си ја заработат платата и да стиснат на тоа пусто копче, да го сменат Законот за патните исправи, како што го сменија Законот за безбедност во сообраќајот, рече денеска министерот за внатрешни работи, Панче Тошковски.

“Срамота е Македонија да ги зароби граѓаните, а притоа во Германија, Швајцарија, Албанија, Косово и така натаму слободно да се движат со патни исправи со старото име. Ги лажеле луѓето цело време, ги лажеле сите. Факт е дека македонскиот пасош со старото име се употребува во Германија, Швајцарија, Албанија, само не може да се употреби во Македонија. Пратениците да постапат по предлог-законот, како што го помина законот за возачките, така да го поминат и законот за пасошите“, рече министерот.

Тој објасни дека се пристигнати 20 илјади обрасци и ги замоли новинарите да постават соодветно прашање до сите надлежни во рамките на Министерството и посебните органи во рамките на Министерството зошто е ваква ситуацијата со обрасците.

„Во август имало договор во согласност со кој заклучно со 18 февруари во Македонија требало да пристигнат 400 илјади обрасци. Тој договор со одреден акт е заменет и притоа заклучно со 18 февруари во согласност со тој договор е преземена обврска некаде во декември за 22 илјади обрасци“, објасни министерот и упати прашање до јавноста зошто е сторено така и додаде дека ќе се истражи.

Related Posts