Новоизбраниот претседател Доналд Трамп е прогласен за „Личност на годината“ според магазинот „Тајм“, пренесува Политико.
За да го прослави откривањето на корицата, новоизбраниот претседател ја заѕвони утринава на отворањето на Њујоршката берза.
Минатогодишната личност на годината беше поп-ѕвездата Тејлор Свифт.
Трамп веќе беше личност на годината во 2016 година по победата на претседателските избори. Тој им се придружува на 13 други американски претседатели кои ја добија оваа чест, вклучувајќи го и претседателот Џо Бајден.
Потесниот избор за личност на годината беше објавен во понеделникот во емисијата „The Today Show“ на NBC и ги вклучува Трамп, потпретседателката Камала Харис, Кејт Мидлтон, Илон Маск и Бенјамин Нетанјаху.
Тајм веќе ја прогласи НБА ѕвездата Кејтлин Кларк за спортист на годината, Елтон Џон за икона на годината и Лиза Су од Advanced Micro Devices за извршен директор на годината.
Новиот претседател долго време беше фиксиран дека е на насловните страници на списанијата, особено на Тајм.
fokus.mk
