Земјените покриви на старите камени рурални куќи во турската област Дијарбaкир се претворени во детски игралишта, известува Анадолу.
Станува збор за проектот „Детски игри – од традиција до иднина“ што започна да ја спроведува обласната управа за национално образование.
Како дел од проектот, наставниците по физичко воспитание ги посетуваат руралните средини и се дружат со децата.
Покривите се претворени во спортски терени, а многубројните реквизити им овозможуваат на децата полесно да уживаат во игрите и спортските активности како одбојка, пикадо, бадминтон и друго.
Меѓу главните цели на проектот е да се обезбедат еднакви можности за децата и во урбаните центри и во руралните средини. Освен тоа, целта е и да се намалат негативните ефекти од зависноста кај децата од електронски уреди.
Областа Дијарбакир се наоѓа во југоисточниот дел на Туркије.
