Германскиот канцелар Олаф Шолц остро ги критикуваше изјавите на американскиот потпретседател Џеј Ди Венс во корист на АфД и се изјасни против какво било мешање во германската изборна кампања. Политичарот на СПД на Конференцијата за безбедност во Минхен (МСЦ) рече дека националсоцијализмот и неговите монструозни злосторства биле банализирани од редовите на АфД. Произнесувањето против оживувањето на нацизмот од страна на Венс претходно за време на посетата на спомен обележјето – концентрациониот логор Дахау, не во согласност со поддршката за АФД. „Затоа нема да прифатиме ако странците интервенираат во нашата демократија, на нашите избори, во формирањето на демократски мислења во корист на оваа партија“, рече Шолц. „Тоа не е соодветно, особено не меѓу пријателите и сојузниците, и ние цврсто го отфрламе тоа“. Канцеларот додаде: „Ние сами одлучуваме што ќе се случи понатаму со нашата демократија“.
Венс остро ги нападна европските сојузници во својот говор на Минхенската безбедносна конференција и предупреди на закана за демократијата. Тој индиректно се осврна на германската дебата за разграничување од АфД: „Нема место за заштитни ѕидови“. На маргините на конференцијата тој се состана и со лидерката на АфД, Алис Вајдел, но немаше средба со Олаф Шолц. Бирото на канцеларот го припиша ова на тешкотии во распоредот.
Американскиот претседател Доналд Трамп го доведе расположението меѓу САД и Европа на ниско ниво уште пред почетокот на конференцијата. Тој најави казнени царини за челик и алуминиум, што ќе влијае и на ЕУ. Тој, исто така, навреди голем број свои сојузници со неговиот контроверзен телефонски разговор со рускиот претседател Владимир Путин и некоординираната понуда да преговара за војната во Украина.
И покрај тензиите, според Шолц, Германија нема да се откаже од соработката со САД во одбранбениот сектор. „Потребна ни е силна европска индустрија за оружје. Со постојано производство на најважните видови муниција и оружје во Европа“, истакна канцеларот во својот говор. „Истовремено велам: Не се откажуваме од трансатлантската интеграција на нашите одбранбени индустрии. Ќе продолжиме да купуваме нова американска воена опрема во и во иднина.”
DW
